ሠ

 ሀ ለ ሐ መ ሠ ረ ሰ ሸ ቀ በ ተ ቸ ኀ ነ ኘ አ ከ ኸ ወ ዐ ዘ ዠ የ ደ ጀ ገ ጠ ጨ ጰ ጸ ፀ ፈ ፐ

ሠምላ ~ Samlah: ‘መጎናጸፊያ’ ማለት ነው። ከኤዶም ነገሥታት አንዱ፥ ከሃዳድ ቀጥሎ የነገሠ፥ “ሃዳድም ሞተ፥ በስፍራውም የመሥሬቃው ሠምላ ነገሠ።” (ዘፍ 36:36፣37፤1 ዜና 1:47፣48)

ሠራያ ~ Seraiah: ሠራያሕ፣ የአምላክ ሠራተኛ፣ የጌታ አገልጋይ፣ የአምላክ ሠራዊት... ማለት ነው።

‘ሥራ’ እና ‘ያሕ’(ያሕዌ ) ከሚሉ ሁለት ቃላት የተመሠረተ ስም ነው። በመጽሐፍ ቅዱስ ውስጥ በዚህ ስም የሚታወቁ ሰዎች:-

1. የዮብ አባት፥ የቄኔዝ ልጅ፥ (1 ዜና 4:13፣ 14)

2. የዮሺብያ ልጅ፥ (1 ዜና 4:35)

3. የንጉሥ ዳዊት ጸሐፊ የነበረ፥ (2 ሳሙ 8:17)

4. በሴዴቅያስ ዘመን የነበረ ካህን፥ (2 ነገ 25:18, 23)

5. የባቢሎን ንጉሥ ናቡከደነፆር ወደ ባቢሎን ከማረካቸው ምርኮኞች ወደ ኢየሩሳሌምና ወደ ይሁዳ ወደ እየከተማቸው ከተመለሱ የአገር ልጆች፥ (ዕዝ 2:2)

6. በነህምያ ዘመን፣ የቃል ኪዳኑ ደብዳቤ ከፈረሙ ካህናት፥ (ነህ

10:2)

7. የጸሐፊው የዕዝራ አባት፥ “...በአርጤክስስ መንግሥት ዕዝራ የሠራያ ልጅ፥” (ዕዝ 7:1)

8. የቤተ መቅደሱ ሐላፊ፥ የኪልቅያስ ልጅ፥ (ነህ 11:11)

9. በዮአቂም ዘመን የአባቶች ቤቶች አለቃ፣ ካህን፥ (ነህ 12:1፣ 12)

10. የኔርያ ልጅ፥ (ኤር 51:59)

ሠርሰኪም ~ Sarsechim: ‘እጩ መኮንን’ ማለት ነው። ናቡከደነፆር ኢየሩሳሌምን በወረረ ጊዜ የነበረ የጦር መሪ፥ “የባቢሎንም ንጉሥ አለቆች ሁሉ፥ ኤርጌል ሳራስር፥ ሳምጋርናቦ፥ ሠርሰኪም፥ ራፌስ ...” (ኤር 39:3)

ሠጉብ ~ Segub: ‘ሰገባ፣ መሸሸጊያ፣ የተመሸገ፣ የተገነባ’ ማለት ነው።

1. ኢያሪኮን ያደሰው፣ የአኪኤል ትንሹ ልጅ፥ “በእርሱም ዘመን የቤቴል ሰው አኪኤል ኢያሪኮን ሠራ ... በታናሹ ልጁም በሠጉብ በሮችዋን አቆመ።” (1 ነገ 16:34)

2. የኤስሮ ልጅ፥ “ከዚያም በኋላ ኤስሮም ስድሳ ዓመት በሆነው ጊዜ ወዳገባት፤ ወደ ገለዓድ አባት ወደ ማኪር ልጅ ገባ ሠጉብንም ወለደችለት። ሠጉብም ኢያዕርን ወለደ” (1 ዜና 2:21፣28)

ሣሌፍ ~ Sheleph: ሰልፍ ማለት ነው። የዮቅጣን ሁለተኛ ልጅ፥ “ሣሌፍን፥ ሐስረሞትን፥ ያራሕን፥ ሀዶራምን፥” (ዘፍ 10:26፤ 1 ዜና 1:20)

ሣሪድ ~ Sarid: ‘አልሞት ባይ፣ ጠንካራ’ ማለት ነው። በዛብሎን ግዛት ውስጥ የነበረ ጉልህ ሥፍራ፥ “ሦስተኛውም ዕጣ ለዛብሎን ልጆች በየወገኖቻቸው ወጣ የርስታቸውም ድንበር ወደ ሣሪድ ደረሰ” (ኢያ 19:10፣12)

ሣራ ~ Sarah: ዘር፣ ዘሬ፣ ወገኔ... ማለት ነው። ‘ልዕልት፣ የብዙኃን እመቤት ማለት ነው’ ተብሎም ይተረጎማል። የአብርሃም ሚስት፥ የቀድሞ ስሟ ሦራ ነበር፥

“እግዚአብሔርም አብርሃምን አለው፦ የሚስትህን የሦራን ስም ሦራ ብለህ አትጥራ፥ ስምዋ ሣራ ይሆናል እንጂ።” (ዘፍ 17:15)

ሣካር ~ Sacar: ‘ዋጋ፣ ደሞዝ፣ ምርት’ ማለት ነው።

1. “እግዚአብሔርም ባርኮታልና ዖቤድኤዶም ልጆች ነበሩት በኵሩ ሸማያ ... አራተኛው ሣካር፥ አምስተኛው ናትናኤል፥” (1 ዜና 26:4)

2. የአምና አባት፥ “የአሮዳዊው የአራር ልጅ አምናን፥” (1 ዜና

11:35)

ሣጥን ~ Coffer, Coffin: ከፈን፣ መጠቅለያ፣ መሸፈኛ፣ መቅበሪያ ሳጥን... ማለት ነው።

Coffin -‘ከፈነ’ ከሚለው ግስ የተገኘ ስም ነው።

       ሣጥን / Coffer: ቀብር፣ ሽፋን... ማለት ነው። የንዋየ ቅድሳት ማስቀመጫ፥“የእግዚአብሔርንም ታቦት ወስዳችሁ በሰረገላው ላይ አኑሩት፤ ስለ በደልም መሥዋዕት ያቀረባችሁትን የወርቁን ዕቃ በሣጥን ውስጥ አድርጋችሁ በታቦቱ አጠገብ አኑሩት ...” (1 ሳሙ 6፡ 8፣ 11፣ 15)

       ሣጥን / Coffin: ዮሴፍ በግብፅ በሞተ ጊዜ በድኑ የተቀመጠበት እቃ፥ “ዮሴፍም በመቶ አሥር ዓመት ዕድሜው ሞተ በሽቱም አሹት፥ በግብፅ ምድር በሣጥን ውስጥ አኖሩት።” (ዘፍ 50፡26)

ሤራሕ ~ Serah: ሥራህ፣ ሥራ፣ ድርጊት፣ ክንውን... ማለት ነው። የአሴር ልጅ፥ ሤራሕ ፥ (ዘፍ 46:17፣ 1 ዜና 7:30) ፣ (ዘኁ 26:46)

ሤባ ~ Shebah: ሰብዓ፣ ሳባ፣ ሰብ፣ ሰው፣ የሰው ልጅ... ማለት ነው። [ተዛማጅ ስሞች- ሰበንያ፣ ሰብታ፣ ሰንበት፣ ሳባ፣ ሳባታይ፣ ሳባጥ፣ ሳቤህ፣ ሳቤዔ፣ ጸባዖት] አንድ ሰውና አንድ ቦታ በዚህ ስም ይታወቃሉ።

. ለስምዖን ልጆች ነገድ እጣ የወጣ የቦታ ስም፥ (ኢያ 19:2)

. የንጉሥ ሰሎሞን ጸሓፊ አባት፥ “ጸሐፊዎቹም የሴባ ልጆች ኤልያፍና ...” (1 ነገ 4:3)

ሤኩ ~ Sechu: ‘ማማ’ ማለት ነው። በገለዓድና ራማ መካከል የሚገኝ ቦታ፥ “የሳኦልም ቍጣ ነደደ፥ እርሱም ደግሞ ወደ አርማቴም መጣ፥ በሤኩም ወዳለው ወደ ታላቁ የውኃ ጕድጓድ ደረሰ ...” (1 ሳሙ 19:22)

ሥትሪ ~ Zithri: ‘አምላክ ይጠብቅ’ ማለት ነው። የዑዝኤል ልጅ፥ “የዑዝኤል ልጆች ሚሳኤል፥ ኤልዳፋን፥ ሥትሪ ናቸው።” (ዘጸ 6:22)

ሥዖሪም ~ Seorim: ‘ገብስ’ ማለት ነው። ከሃያ አራቱ የካህናት ምድብ፥ የአራተኛው ተራ አለቃ፥ “አራተኛው ለሥዖሪም፥ አምስተኛው …” (1 ዜና 24:9)

ሦራ ~ Sarai: ‘የኔ እመቤት’ ማለት ነው። የአብርሃም ሚስት፣ የሣራ የቀድሞ ስም፥ “ታራም ልጁን አብራምንና የልጅ ልጁን የሐራንን ልጅ ሎጥን የልጁንም የአብራምን ሚስት ምራቱን ሦራን ወሰደ ከእርሱም ጋር ወደ … ካራንም መጡ፥ ከዚያም ተቀመጡ።” (ዘፍ 11:31፥ 17:15)

ሦጋል ~ Shual: የአሴር ወገን፥ የጾፋ ልጅ፥ “ሦጋል፥ ቤሪ፥ ይምራ፥ ቤጼር፥ ሆድ፥ ሳማ፥ ሰሊሳ፥ ይትራን፥ ብኤራ ነበሩ።” (1 ዜና 7:36)